አችኣይቪ ሎሚ ከም ሕዱር ኩነት እዩ ዝቑጸር፡ ንውሓት ትነብሮ ግዜ ወይ ዕምሪ ማዕረ ኩሎም ካልኦት ሰባት እዩ። እዚ ክዉን ንምግባር ብቐጥታ ሕክምና አችኣይቪ ምጅማር ኣገዳሲ እዩ። እዚ ንነፍስኻ ጥራሕ ዘይኮነ፡ ከም ተወሳኺ ሕክምና ምስ ጀመርካ ብተዛማዲ ድሕሪ ሕጽር ዝበለ ግዜ ኣብ ንካልኦት ሰባት ዘይተመሓላልፈሉ ደረጃ ትበጽሕ ምዃንካ ውን ርእሱ ዝኸኣለ ጥቕሚ ስለዘለዎ እዩ። ኣብ ሆስፒታል ኣብ ዎርድ ረኽሳዊ ሕማማት እዩ ምክትታል ዝግበረልካ። ሕክምና ምስ ተጀመረ እቲ ሕክምና ይሰርሓልካ ከምዘሎ ምስ ተቋጻጸሩ ንዓመት ቁጽጽር ንኽግበረልካ ሓደ ወይ ክልተ ግዜ ምምጻእ ኣኻሊ እዩ። ሎሚ ሕክምና አችኣይቪ ብጣዕሚ ውሑድ ጎናዊ ሳዕቤናት ዘለዎ ኮይኑ መብዛሕትኡ ግዜ ንመዓልቲ ሓንቲ ከኒና ምውሳድ ኣኻሊ እዩ።